Баянгол багийн иргэдийн Нийтийн 2 дугаар хурал 2025 оны 02 дугаар сарын 19-ны өдөр багийн төвд болов. Хуралд 97 өрхийн гишүүд ирснээр хурлыг хүчинтэйд тооцож дараах асуудлыг хэлэлцэн шийдвэр гаргав.

Баянгол багийн иргэдийн Нийтийн Хурлын ээлжит 2 дугаар хуралдааны хэлэлцэх асуудлын төлөвлөгөө

1. Багийн Засаг даргын 2025 оны ажлын төлөвлөгөөг хэлэлцэн батлах Илтгэгч: Баянгол багийн Засаг дарга Б.Буяндэлгэр

2. Гэмт хэрэг, зөрчлөөс урьдчилан сэргийлэх тухай мэдээлэл Илтгэгч: Зүүнхангай сумын хэсгийн цагдаа А.Алтанбат

3. ЗДТГ-ын албан хаагчдын мэдээлэл

А. Өмнөх багийн Засаг даргын ажлын тайлан Илтгэгч: Н.Батсүрэн

Б. Шинэ хоршоо чинээлэг малчин хөтөлбөр Илтгэгч: ХААТ-ын мэргэжилтэн М.Дагвадорж

В. Бэлчээрийг зохистой ашиглах журам Илтгэгч: ХААТ-ын мэргэжилтэн М.Дагвадорж

Г. Өвөлжөө хаваржаа эзэмшил өмчлөлийн талаар иргэд олон нийтэд мэдээлэл хийх Илтгэгч: Газрын даамал Б.Лхагважав

Д. Мал амьтны эрүүл мэндийн тухай хууль болон бусад журам заавар, үйлчилгээнүүдийн талаар танилцуулах Илтгэгч: Тархвар зүйч Б.Баттулга

Е. Хог хаягдлын хураамжийг шинэчлэн тогтоосон тухай мэдээлэл Илтгэгч: Байгаль хамгаалагч Б.Нямбар

4. Багийн малчид нутаг бэлчээрийг зөв зохистой ашиглах тухай Илтгэгч: ХААТ-ын мэргэжилтэн М.Дагвадорж

5. Баянгол багийн мал эмнэлгийн ажил үйлчилгээг эрхлэх нэгжийн асуудлыг хэлэлцэх Илтгэгч: Тархвар зүйч Б.Баттулга

6. Хуц ухна маллагчийг сонгох тухай Илтгэгч: ХААТ-ын мэргэжилтэн Ц.Баатарзоригт

7. Бусад /багийн дотоод асуудал/

Баянгол багийн иргэдийн Нийтийн хуралд ирсэн иргэдэд хэсгийн цагдаа А. Алтанбат Жолоодох эрхийн зөрчлийн талаар сургалт хийж, ИТХ-ын ажлын албанаас гарын авлага бэлтгэн тараав.